Түгээмэл асуулт хариулт
Цахим хөгжлийн багц хууль, “Алсын хараа-2050” Монгол улсын урт хугацааны хөгжлийн бодлого, “Монгол Улсын Засгийн газрын 2020-2024 оны үйл ажиллагааны хөтөлбөр”, “Монгол Улсыг 2021-2025 онд хөгжүүлэх таван жилийн үндсэн чиглэл” болон Цахим хөгжил, харилцаа холбооны сайдын 2022 оны А/24 дүгээр тушаал батлагдсан “Цахим үндэстэн” баримтлах чиглэл, Боловсрол, шинжлэх ухааны сайд, Цахим хөгжил, харилцаа холбооны сайд, Хөдөлмөр, нийгмийн хамгааллын сайд, Соёлын сайд нарын хамтарсан 2022 оны А/260, А/391, А/1461, А/260 дугаар тушаалаар батлагдсан “Бүх нийтийн цахим ур чадвар, чадамжийг дээшлүүлэх арга хэмжээний төлөвлөгөө (2022- 2026)”-нд “Бүх нийтийн тоон бичиг үсгийн чадавхыг дээшлүүлэн, тоон хуваагдлыг бууруулж, харилцаа холбоо, мэдээллийн технологийн ололт амжилтад тулгуурлан нийгэм эдийн засгийн бүхий л салбарт инновац хийх чадвартай бүтээлч иргэдтэй болно” гэж заасан.
Мөн Монгол Улсын Засгийн Газрын 2023 оны 11 дүгээр сарын 15-ны өдрийн 46 дугаар хуралдааны тэмдэглэлд бүх нийтийн цахим ур чадварыг дээшлүүлэх арга хэмжээг зохион байгуулахыг Цахим хөгжил, харилцаа холбооны сайд болон Засгийн газрын Хэрэг эрхлэх газарт тус тус үүрэг болгосон.
Дээрх бодлогын баримт бичгүүдийн хэрэгжилтийг хангах үүднээс “И-Монгол академи” УТҮГ-аас бүх нийтийн цахим ур чадварыг дээшлүүлж, тоон хуваагдлыг бууруулан цахим шилжилтийн бэлэн байдлыг хангах зорилгоор “И-Монгол академи” УТҮГ-ын захирлын 2024 оны 04 дүгээр сарын 09-ний А/46 тоот “Цахим ур чадварын аян” зохион байгуулах тухай тушаалаар нийслэлийн хэмжээнд 2024 оны 04 дүгээр сарын 01-ээс 07 дугаар сарын 10-ны хооронд зохион байгуулж байна.
Интернэт сүлжээнд холбогдсон төхөөрөмж ашиглан өөрт хэрэгтэй мэдээллээ олж авах, түүнийгээ үнэлэх, хуваалцах, нэгтгэх, шинээр ашиглан нийгэм эдийн засгийн амьдралд оролцох чадварыг хэлнэ.
“И-Монгол академи” УТҮГ нь Монгол Улсын Засгийн газрын 2021 оны 283 дугаар тогтоолоор байгуулагдсан. Зорилго нь “Төрийн цахим шилжилтийг дэмжиж, төрийн үйлчилгээ, үйл ажиллагааг цахимжуулах үйл ажиллагаанд дэвшилтэт технологийг нэвтрүүлж, хөгжүүлж, олон улсын тэргүүн туршлагыг нэвтрүүлэх замаар цахим үндэстэн болоход шаардлагатай цогц арга хэмжээг хэрэгжүүлэхэд оршино” гэж тодорхойлсон.
Цахим ур чадварын газар нь бүх нийтийн цахим ур чадварыг дээшлүүлэх зорилготой байгуулсан. Тус газар нь судалгаа, статистик мэдээлэлд суурилан сургалтын хөтөлбөр, агуулга боловсруулж, цахим ур чадвар доогуур байгаа зорилтот бүлгийн иргэдийг тодорхойлон, тэдний хэрэгцээ шаардлагад нийцсэн сургалт зохион байгуулж байна.
2022 оны 5 дугаар сараас 2024 оны 5 дугаар сарын байдлаар хөдөө орон нутаг, алслагдсан бүсийн нийт 12,976 иргэд, 17,458 төрийн албан хаагчдад хүрсэн байна.
- Насан туршийн суралцахуйг дэмжсэн байх;
- Алслагдсан сум, дүүрэг, хороодын иргэдийг хамруулах;
- Иргэдийн нас, сэтгэхүй, суралцах онцлогт тохирсон, тэгш хамруулах боловсролыг дэмжих;
- Цахим ур чадвар дутмаг бүх насны иргэдийг илрүүлэх;
- 1000 сургагч багш нарт гэрчилгээ олгох, баталгаажуулах;
- Төсөлд хүртээмжтэй байх (хэнийг ч үлдээхгүй байх), салбар бүрийн олон талын оролцогчдыг татан оролцуулах, нэгдмэл хандлага, ил тод байдал, хариуцан тайлагналын зарчмуудыг баримтална .
Бүх нийтийн цахим ур чадварыг дээшлүүлж, тоон хуваагдлыг бууруулах замаар цахим шилжилтийн бэлэн байдлыг хангах зорилгоор:
- Ахмад настан
- Хөгжлийн бэрхшээлтэй иргэд
- Хөдөө, орон нутаг, алслагдсан бүсийн иргэд
- Малчин
- Эмзэг бүлгийн иргэд
- Өрх толгойлсон эцэг/эх
Та манай вэбсайтын баруун хэсэгт байрлах сургалт захиалах цэсээр дамжуулан албан байгууллага, хамт олоноороо сургалтад хамрагдах боломжтой бөгөөд мөн digitalskill@ema.gov.mn хаягт цахим шуудан илгээх боломжтой.
I ээлж /2024 он/
- Нийслэлийн 9 дүүрэгт цахим ур чадварын аяныг зохион байгуулна.
- Хөдөлгөөнт үйлчилгээ үзүүлнэ.
II ээлж /2024 он/
- 1000 сургагч багш бэлтгэнэ.
- Орон нутгийн иргэдэд сургалт зохион байгуулна.
III ээлж /2025 он/
- Үр дүнгийн судалгаа хийнэ.
- Аяны үр дүнг тайлагнана.
