Монгол Улсын Засгийн газрын 2023 оны 46 дугаар тэмдэглэл, 2024 оны 163 дугаар тогтоолд бүх нийтийн цахим ур чадварыг дээшлүүлэх арга хэмжээг улсын хэмжээнд зохион байгуулахыг Цахим хөгжил, инновац, харилцаа холбооны сайд болон Засгийн газрын хэрэг эрхлэх газарт тус тус үүрэг болгосон билээ.

Дээрх бодлогын баримт бичгийн хэрэгжилтийг хангах үүднээс төрийн албан хаагчдын мэдээлэл технологи, харилцаа холбооны мэдлэг, ур чадварыг дээшлүүлэх зорилгоор “И-Монгол академи” УТҮГ-аас бүх нийтийн цахим ур чадварыг дээшлүүлж, тоон хуваагдлыг бууруулах замаар цахим шилжилтийн бэлэн байдлыг хангахад чиглэсэн цахим ур чадварыг дэмжих сургалтуудыг зохион байгуулж байна.

Монгол Улсын Батлан хамгаалах яам ᠮᠣᠩᠭᠣᠯ ᠤᠯᠤᠰ ᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠠᠮᠤ-тай хамтран Цэргийн төв эмнэлэг, Батлан хамгаалахын Эмгэг судлал, Шүүх эмнэлэг-ийн 46 албан хаагчдад 2025 оны 1 дүгээр сарын 07-ны өдөр сургалт зохион байгууллаа.

Сургалтаар байгууллагын болон хувь хүний мэдээллийн аюулгүй байдал, цахим орчны харилцаа, ёс зүй, хэрэгцээт аппликейшны талаар мэдлэг, ур чадвараа дээшлүүлэв.

Цахим ур чадварын сургалтыг байгууллага, хамт олноороо авахыг хүсвэл бидэнтэй холбогдоно уу.

Холбоо барих утас: 77111197-3

И-мэйл хаяг: digitalskill@ema.gov.mn

www.digital.edu.mn