Монгол Улсын Засгийн газрын 2024 оны 07 дугаар сарын 17-ны өдрийн хуралдааны 23 дугаар тэмдэглэлийн 2.3-т "Төрийн байгууллагуудын веб хуудсыг нэг загвар бүхий нэгдсэн удирдлагатай болгон хөгжүүлж, төрийн үйлчилгээний “И-Монгол” системтэй холбох арга хэмжээ авах, үүрэг даалгавар, тогтоол шийдвэрийн биелэлтийг төрийн байгууллагын дотоод удирдлагын системээс нэгтгэх боломжийг бүрдүүлэх талаар анхаарч ажиллах” гэж заасан.

Төрийн байгууллагын нэгдсэн цахим хуудасны ашиглалтын зааварчилгаа өгөх сургалтыг “И-Монгол академи” УТҮГ-ын Сургалт, олон нийттэй харилцах газрын Сургалтын хэлтсээс Говьсүмбэр аймгийн Засаг даргын Тамгын газартай хамтран салбар байгууллагын 48 админд 2025 оны 01 дүгээр сарын 10-ны өдөр цахимаар зохион байгууллаа.

Төрийн байгууллагууд үйл ажиллагаагаа ил тод, нээлттэй байлгах, төрийн үйл ажиллагаанд олон нийтийн хяналтыг нэмэгдүүлэх зорилгоор мэдээлэл хариуцагчийн чиг үүрэг, стратеги, зохион байгуулалт, хүний нөөц, төсөв, санхүү, худалдан авах ажиллагаа, үзүүлж байгаа үйлчилгээ болон хуулиар хаалттай, хязгаарлалттай гэж тогтоосноос бусад мэдээллийг цахим хуудаст нээлттэй ил тод байршуулах үүрэгтэй.

Цахим ур чадварын сургалтыг байгууллага, хамт олноороо авахыг хүсвэл бидэнтэй холбогдоно уу.

Холбоо барих утас: 77111197-3

И-мэйл хаяг: digitalskill@ema.gov.mn