Монгол Улсын Засгийн газрын 2019 оны 04 дүгээр сарын 17-ны өдрийн 149 дүгээр тогтоол, “И-Монгол академи” УТҮГ-ын захирлын 2023 оны 01 дүгээр сарын 23-ны өдрийн А/01 тоот тушаалын дагуу Төрийн байгууллагуудын дотоод үйл ажиллагааны удирдлагын нэгдсэн систем /ERP/-ийг ашиглах үйл ажиллагаанд Төрийн болон албаны нууцын тухай хууль, Байгууллагын нууцын тухай хууль, Хүний хувийн мэдээлэл хамгаалах тухай хууль, Төрийн албаны тухай хууль, Нийтийн мэдээллийн ил тод байдлын тухай хууль, энэхүү журам болон Монгол улсын холбогдох бусад хууль тогтоомжийг дагаж мөрдөж ажиллана гэж заасан байдаг.

Дээрх бодлогын баримт бичгүүдийн хэрэгжилтийг хангаж Монгол Улсын Гадаад Харилцааны Яам Ministry of Foreign Affairs of Mongolia-наас ирүүлсэн хүсэлтийн дагуу "И-Монгол академи" УТҮГ-ын Сургалтын хэлтсээс "Төрийн байгууллагуудын дотоод үйл ажиллагааны удирдлагын нэгдсэн систем /ERP/", "Албан бичиг солилцооны дундын систем /DOCX/"-ийн сургалтыг 2025 оны 1 дүгээр сарын 17-ны өдөр танхимаар зохион байгууллаа.

Нийт сургалтад 100 албан хаагч хамрагдснаар албан бичиг солилцооны дундын систем ашиглан албан бичиг илгээх, хүлээн авах, баталгаажуулах болон төрийн байгууллагуудын дотоод удирдлагын ERP E-Mongolia нэгдсэн систем, албан бичиг солилцооны дундын систем /docx/-ийн ашиглалтын талаар ойлголт, мэдлэгээ нэмэгдүүлэв.

Уг нь сургалтыг зохион байгуулснаар тоон гарын үсгийн хэрэглээг нэмэгдүүлж байгууллагын үйл ажиллагаа, албан хаагчдын хэрэгцээ шаардлагад нийцсэн, тэдгээрийн ажлуудыг хөнгөвчлөх, байгууллагын төсвийн зардал болон цаг хугацааг хэмнэсэн, инновацыг нэвтрүүлсэн, технологийн шинэ шийдэл бүхий нэгдсэн удирдлага хяналттай, уян хатан, цогц системийг ашиглах боломж бүрдэж байгаа юм.

Цахим ур чадварын сургалтыг байгууллага, хамт олноороо авахыг хүсвэл бидэнтэй холбогдоно уу.

Холбоо барих утас: 77111197-3

И-мэйл хаяг: digitalskill@ema.gov.mn

www.digital.edu.mn