ЗЭВСЭГТ ХҮЧНИЙ 303 ДУГААР АНГИЙН АЛБАН ХААГЧДАД СУРГАЛТ ЗОХИОН БАЙГУУЛЛАА
ЗЭВСЭГТ ХҮЧНИЙ 303 ДУГААР АНГИЙН АЛБАН ХААГЧДАД СУРГАЛТ ЗОХИОН БАЙГУУЛЛАА
Монгол Улсын Засгийн газрын 2023 оны 46 дугаар тэмдэглэл, 2024 оны 163 дугаар тогтоолд бүх нийтийн цахим ур чадварыг дээшлүүлэх арга хэмжээг улсын хэмжээнд зохион байгуулахыг Цахим хөгжил, инновац, харилцаа холбооны сайд болон Засгийн газрын хэрэг эрхлэх газарт тус тус үүрэг болгосон.
Дээрх бодлогын баримт бичгийн хэрэгжилтийг хангах үүднээс төрийн албан хаагчийн мэдлэг, ур чадварыг дээшлүүлэх, удирдах ажилтны манлайлах ур чадвар хөгжүүлэх, давтан сургах, мэргэшүүлэх зорилгоор “И-Монгол академи” УТҮГ-аас бүх нийтийн цахим ур чадварыг дээшлүүлж, тоон хуваагдлыг бууруулах замаар цахим шилжилтийн бэлэн байдлыг хангахад чиглэсэн цахим ур чадварыг дэмжих сургалтуудыг зохион байгуулж байна.
Зэвсэгт хүчний Жанжин штабтай хамтран Зэвсэгт хүчний 303 дугаар ангийн албан хаагчдад цахим ур чадварын сургалтыг "И-Монгол академи" УТҮГ-ын Сургалтын хэлтсээс 2025 оны 01 дүгээр сарын 31-нд зохион байгууллаа.
Албан хаагчид сургалтад хамрагдснаар өөрийн болон бусдын мэдээллийн аюулгүй байдлаа хангах, халдлагаас урьдчилан сэргийлэх, ажлын бүтээмжээ нэмэгдүүлэх цахим ур чадварт суралцаж, мэдлэг, ур чадвараа дээшлүүлсэн болно.
Цахим ур чадварын сургалтыг байгууллага, хамт олноороо авахыг хүсвэл бидэнтэй холбогдоно уу.
Холбоо барих утас: 77111197-3
И-мэйл хаяг: digitalskill@ema.gov.mn
