Монгол Улсын Засгийн газраас цахим шилжилтийг эрчимжүүлэх, төрийн үйлчилгээг цахимжуулахад авч хэрэгжүүлж буй бодлого үйл ажиллагаа, үр дүн мөн Төрийн үйлчилгээний нэгдсэн систем E-Mongolia, www.e-business.mn -д шинээр цахимжсан үйлчилгээний танилцуулга болон үйлчилгээг иргэдэд хүргэх зорилгын хүрээнд төрийн үйлчилгээний байгууллагуудтай хамтран “Нээлттэй хаалганы өдөрлөг"-ийг Чингэлтэй дүүрэгт 2024 оны 04 дүгээр сарын 27-ны өдөр "ЯЛАЛТЫН ТАЛБАЙ"-д зохион байгууллаа.

Тус өдөрлөгөөр:

Төрийн албан хаагчид, ЕБС-ийн багш, сурагчид, хувиараа бизнес эрхлэгч иргэд, олон нийтэд зориулсан тусгай хөтөлбөр бүхий сургалтууд;

Төрийн үйлчилгээний нэгдсэн E-Mongolia системийн үйлчилгээг сурталчлан таниулах, үйлчилгээ үзүүлэх явуулын автобус;

Төрийн байгууллагын бүтээгдэхүүн, үйлчилгээний танилцуулга экспо зэрэг олон талт арга хэмжээнүүд нэгэн зэрэг зохион байгуулагдаж байна.